Home Region In-/Ausland Sport Agenda Magazin
Luzein - St. Antönien
24.12.2021
23.12.2021 11:37 Uhr

"Nu" Ziit

Bild: pixabay
Weihnachtsgedicht von Marina Egli, Ascharina

Das Jahr, so han is miänggä kört,
Si d 'Wiänacht leider total gschtört:
Kei Verwandtschaftsstress, keis Familiädrama,
Derfür Besinnlichkeit im chleinä Rahmä.

Giz ächt Lüüt wa nid nu hüür, nei in allnä Jahrä,
D Wiänachtsziit ohni Prosecco, ohni Chemineefüür müänd erfahrä?
Händ niämet zum Proschtä und Feschtä.
Läbend välicht va andernä Lüütä Reschtä.

Mä müäss lärnä verzichtä – säb feelti grad no!
Bis jetz hämer doch alles, ab dr Wunschliischtä übercho.
Sogar di gross Party und d'Skiferiä müänd waartä,
Mimä Lätsch hockämer DÄHEIMET – das sind schlächti Chartä.

Äs ischt no nid lang häär, chönnt1 das si?
Duä ischt dWiänacht däheimet, z'Allergröschtä gsi.
Nid Alltag va Termin zu Termin an ä Päcktlischlacht,
Väl1cht «nu» Ziit füränand und eis Gschenk, derfür va Härzä gmacht.

Was früäjer gsi ischt, säb ischt doch hüt gli.
Diä eifachä Ziitä, sind lengschtens värbii.
Miär müässänd doch hüt, ünschnä Gescht ättes biätä,
Dr Standard muäs hööch si, sus körscht zudä Niätä!

Välicht giz – oh Weh – hüür ä paar still, Stundä.
Välicht würscht äs Tagsch, zur Bsinnig gäzwungä.
Välicht chund ufz Mal dr Stecker gäzogä
und z'galoppiärändä Rentiär, liid ärloschä am Bodä.

Nu grad Hüür, hanis miänggä kört,
si dWiänacht leider total gschtört.
Z'Jahr lessämäs de wieder lä Chlepfä und lä Chrachä,
mä well Vollgas wiä bis jetz, uf derä Wält wiitermachä.

Marina Egli