Home Region In-/Ausland Sport Agenda Magazin

Abwechslungsreiche Konfreise im Tessin

Die Konfgruppe in Magadino.
Die Konfgruppe in Magadino. Bild: zVg
Am vergangenen Wochenende, 24. bis 26. September, war die Kirchgemeinde Luzein/Pany und St. Antönien auf der Konfreise im Tessin. Die Jugendlichen aus St. Antönien haben aus diesem Grund extra einen Bericht in Mundart verfasst, den Ihr hier nachlesen könnt.

Di Konfermandä vor Gmeind Luzein (St. Antönien, Luzein, Pany, Putz und Buächä) sind im Tessin uf der Konfreis gsi und händ eis Gaudi midanand kan. Miär sind am Fritig ufds Posti gangä und sind de z Chüblisch uf dä Zug umgstiegä. Z Chur hämmer de Heiweh berchon und sind de ufds üsch bekanntä Posti gangä. Z Bellinzonä sind mer de ca. am 11i acho. Zerst hämmer ä reformierti und ä katholischi Chirchä agluägt. Bir reformiärtä Chilchä het üsch d Chlichgmeindspresidenti alles erchlert und no ä Tessiner Tschugäladä mit gä, wo Brot dinä hed. Zum Zmittag simmer de ufd Burg gangä go spiislä. De hämmer ünsch scho uf dä Wäg gmacht uf die gross und grauähaft leng Wanderig. Miär sind ganzi 1 ½ Stund ufwärts gangä, steiler als der Schollbärg. Wo mer de entli dobnä acho sind hämmer ä hübschi Ussicht gnüssä chönä. Zum Znacht hets Risotto mit Tissiner Wurst gä. Am Abet, wos scho dunkel gsi isch, hämmer alli mitänand es Nachtspiel gmacht. Mä et ünsch wit ummer köhrt. Am negstä Morget hämmer no ä Andacht verdussnä abghaltä und de simmer au scho wieder acher gangä. Z Locarno acho hämmer d Zimmer bezogä. De hämmer entli mal Friizit ka. D Wiiber sind wiä gwöhnlich ä viertel Stund z spat cho. Als Straf hämmer de chönä der Chrüzwäg, wo mer ufglofä sind, wider acher laufä. Di Buäbä händ z Bänli chönä nä. Na däm Erläbnis simmer ufds Schiff gangä. Di eintä händ eifrig z der Schlussgang vom Chilchbärgschwingä gluägt.  Z Magadino hämmer nisch an ünschi Taufi erinnert. Znacht hämmer in rä feinä Pizzeriä gnüssä törfä. Nachär simmer ä biz am See gsi und händ Glace gspiisled. Um Mitternacht hättemer scho schlafä söllä, aber wil mer ä bitz lut und überdreht gsi sind, simmer no mir Frau Hardegger uf ä Nachtwanderig dür Locarno. Gägä Morget simmer de igschlafä. Am Morget simmer alli mit wenig Schlaf an ä Gottesdienst gangä. Demendsprächig het mes au gmerkt an ünscherä Awesäheit. Zum Ufwachä het ünsch de Chirchä no ä Caffi spendiert. Aschlüssend hämmer de au scho uf dä Heiwäg dörfä. Bi Thusis simmer in ä chleinä Stau chon. Drum simmer de leider mid ärä halb Stund Verspetig hein cho. Total erschöpft sind alli froh gsi, das mer Däheimet acho sind.

pd